एमसीसी प्रसारण लाइन निर्माणमा ६ वटा भारतीय कम्पनीको मात्रै प्रस्ताव ।

नेपाल–देशभक्त नेपाली जनताको ब्यापक बिरोध र असहमतिका बावजुत पनि संसदवादी राजनैतिक पार्टीहरुले संसदवाट पास गरेको, मिलेनियम च्यालेन्ज कर्पोरेसन (एमसीसी) परियोजना अर्न्तगत बन्ने प्रसारण लाइन निर्माणका लागि ६ वटा प्रस्ताव परेका छन् । विश्वव्यापी रुपमा आह्वान गरिएको बोलपत्रमा प्रस्ताव गर्नेमा ६ वटा भारतीय कम्पनी रहेकाछन् । ति प्रस्ताव गर्ने कम्पनिहरु  मेगा इञ्जिनियरिङ एण्ड इन्फ्रास्ट्रक्चर लिमिटेड र पावर मेक प्रोजेक्ट्स लिमिटेडको संयुक्त, कल्पतरु पावर ट्रान्समिसन लिमिटेड, केईसी इन्टरनेसनल लिमिटेड, ट्रान्सरेल लाइटिङ लिमिटेड, टाटा प्रोजेक्ट्स लिमिटेड र लार्सन एण्ड टर्बो लिमिटेड रहेको एमसीए नेपालले जनाएको छ । आगामी भदौ मध्यबाट परियोजना निर्माण समय सुरु हुँदैछ । त्यसका लागि एमसीए नेपालले ठेक्का प्रक्रिया पूरा गर्न लागेको हो ।पूर्वतयारी अन्तर्गत अन्य काम सकिए पनि जग्गा मुआब्जा नटुंगिएको मिलेनियम च्यालेन्ज अकाउन्ट (एमसीए) नेपालले बताएको छ । परियोजना अन्तर्गत विद्युत् प्रसारण लाइनले नेपालबाट भारतसम्म पूर्वाधार तयार गर्नेछ । एमसीए नेपालका अनुसार ३१५ किमि लामो डबल सर्किटयुक्त ४०० केभी प्रसारण लाइनअन्तर्गत ४०० केभी क्षमताका तीन वटा नयाँ सबस्टेसन निर्माण गरिनेछ । काठमाडौं, सिन्धुपाल्चोक, नुवाकोट, धादिङ, मकवानपुर, चितवन, तनहुँ, पाल्पा, नवलपुर र परासी गरी १० जिल्ला छोएर प्रसारण लाइन जाने र कतिपय जिल्लामा मुआब्जाको काम बाँकी रहेको एमसीए नेपालले जनाएको छ ।