ताजा समाचार
Home / Headline / नेपाल-भारत उडानमा दुईपटक पीसीआर

नेपाल-भारत उडानमा दुईपटक पीसीआर

Shivaram Khadka Headline, समाचार 41 Comments 8784 Views

सर्तसहित पुसदेखि खुला गरिएको नेपाल–भारत उडानमा एकै दिनमा फर्किने यात्रुले डिपार्चर प्वाइन्ट (अर्कोतर्फको फर्किने बिन्दु) बाट पनि पीसीआर जाँच गरेको रिपोर्ट अनिवार्य पेस गर्नुपर्ने भएको छ । नेपालबाट ७२ घण्टाको पीसीआर रिपोर्ट बोकेर गएका यात्रुले फर्किंदा भारतबाट पीसीआर गर्नुपर्ने भएको छ ।

नेपाल वायुसेवा निगमले एकै दिनमा फर्किने यात्रुलाई नेपालकै पीसीआरबाट छाड्न संस्कृति, पर्यटन तथा नागरिक उड्डयन मन्त्रालयलाई पत्राचार गरेको थियो । तर, स्वास्थ्य तथा जनसंख्या मन्त्रालयले विश्व स्वास्थ्य संगठनले नै यो विषयमा दुवैतर्फको पीसीआर आवश्यक पर्ने प्रोटोकल बनाएकाले त्यसैअनुसार एकै दिनमा फर्किने यात्रुलाई विमानस्थलबाट छाड्न नसकिने जनाएको छ ।यस विषयमा सीसीएमसीमा पनि छलफल भएको थियो । तर एउटै पीसीआरका आधारमा छाड्न नसकिने स्वास्थ्य मन्त्रालयले जनाएको पर्यटन मन्त्रालयका एक सहसचिवले बताए ।

पछिल्लोपटक नेपालबाट भारत पुगेर फर्किएका नेपाली यात्रुलाई होटल क्वारेन्टाइनमा अनिवार्य बसाइएपछि निगमले यस विषयमा चासो राखेर मन्त्रालयलाई पत्र पठाएको थियो । तर मन्त्रालयले यो नेपाल र भारतबीच एयर बबल अवधारणामा सुरु भएको उडान भएकाले सीसीएमसीमा पठाएको थियो ।

त्यहाँ स्वास्थ्य मन्त्रालयका अधिकारीहरूले नेपालबाट पीसीआर नेगेटिभ भएर गएकाहरू पुनः संक्रमित भएर आउन सक्ने भएकाले त्यहाँबाट पनि ७२ घण्टासम्मको पीसीआर रिपोर्ट अनिवार्य चाहिने बताएका थिए । हाल नेपाल र भारतका लागि दैनिक दुवै देशका वायुसेवाले दैनिक दुइटा उडान गर्दै आएका छन् । यी उडानमा दुवै देशका नागरिकबाहेक तेस्रो मुलुकका यात्रुलाई रोक लगाइएको छ ।

Check Also

युनाइटेडविरुद्ध सलाहले एकै सिजनमा गरे ५ गोल

 लिभरपुलका मोहमद सलाहले प्रिमियर लिगमा म्यानचेष्टर युनाइटेड विरुद्ध दुई गोल गर्दै नयाँ कीर्तिमान बनाएका छन् ...

41 responses to “नेपाल-भारत उडानमा दुईपटक पीसीआर”

© Copyright 2022, esewanews.com.np