ताजा समाचार
Home / Headline / नवीकरण फेल भएका साढे २ लाख प्राइभेट फर्मलाई फेरि मौका

नवीकरण फेल भएका साढे २ लाख प्राइभेट फर्मलाई फेरि मौका

Shivaram Khadka Headline, समाचार 82 Comments 11808 Views

नवीकरण फेल भएका प्राइभेट फर्महरुलाई पुनः सञ्चालन हुन पाउने गरी सरकारले प्राइभेट फर्म रजिस्ट्रेशन नियमावली संशोधन गरेको छ । पुष १० गते बसेको मन्त्रिपरिषद् बैठकले नियमावलीको तेह्रौं संशोधन गर्ने निर्णय गरेको वाणिज्य, आपूर्ति तथा उपभोक्ता संरक्षण विभागले जनाएको छ ।

सरकारको उक्त निर्णयपछि झण्डै दुई लाख नवीकरण फेल भएका प्राइभेट फर्महरुलाई पुनः सञ्चालनको अवसर मिलेको वाणिज्य वभागका प्रवक्ता शिवराज सेढाईंले बताए ।

‘प्राइभेट र्फम रजिष्ट्रेशन ऐन, २०१४ अनुसार विभागमा मात्रै करिब ५ लाख फर्महरु दर्ता रहेको र त्यासमा झण्डै आधा फर्महरु नवीकरण फेल छन् । उनीहरुलाई अवसर दिइएको हो,’ सेढाईंले भने ।

२०७८ असार मसान्तसम्म नवीकरण गर्न छुटेका सबै निजी फर्महरुले आवस्यक कागजातसहित नवीकरण गर्न विभागमा निवेदन दिन सक्ने पनि उनले बताए ।

फर्महरुले नवीकरण गर्दा साविकको नियमित नवीकरण गर्दा लाग्ने शुल्कमा २० लाख अधिकृत पुँजीभन्दा कम भएका फर्महरुका लागि बाषिर्क २ हजारका दरले र २० लाख भन्दा बढी पूँजी भएका फर्महरुका लागि बाषिर्क ५ हजारका दरले थप नवीकरण शुल्क तोकिएको प्रवक्ता एवं निर्देशक सेढाईंले जानकारी दिए ।

Check Also

इष्टर्न हाइड्रोपावरको आइपीओमा आवेदन दिने आज अन्तिम मौका 

इष्टर्न हाइड्रोपावर लिमिटेडको आइपीओमा आवेदन दिने आज अन्तिम दिन रहेको छ । कम्पनीले पहिलो चरणमा ...

82 responses to “नवीकरण फेल भएका साढे २ लाख प्राइभेट फर्मलाई फेरि मौका”

© Copyright 2022, esewanews.com.np