ताजा समाचार
Home / Headline / कोरोना सामान्य लक्षण भएकाले ५० हजार, जटिल भए २ लाख धरौटी राख्नुपर्ने

कोरोना सामान्य लक्षण भएकाले ५० हजार, जटिल भए २ लाख धरौटी राख्नुपर्ने

कोरोना संक्रमितलाई उपचार गर्न सरकारले हात उठाएपछि अस्पतालहरुले आ-आफ्नै रेटमा कोरोना संक्रमितको उपचार गर्ने सूचीहरु टास्न थालेका छन् । स्वास्थ्य तथा जनसंख्या मन्त्रालयले कात्तिक २ गते कोरोना संक्रमितले आफैले उपचार खर्च बेर्होनुपर्ने जनाएपछि अस्पतालहरुले सोही निर्णयको आधारमा उपचार मूल्य निर्धारण गरेका हुन् ।

काभ्रेको धुलिखेल अस्पतालले कोरोना भाइरस संक्रमितको ५० हजार देखि २ लाख रुपैयाँसम्म धरौटी रकम बुझाएपछि मात्र उपचार गर्ने सूची टासेको छ । अस्पतालले सोमबार एक सूचना जारी गर्दै कोरोना संक्रमितले भर्ना हुनुअघि नै ५० हजारदेखि २ लाख रुपैयाँसम्म धरौटी बुझाउनुपर्ने भएको छ ।

अस्पतालले कोभिड १९ को संक्रमणको उपचार वापत लाग्ने शुल्क भनेर सरकारको लागत दर अनुसार दैनिक रकम दर अस्पतालले प्रदान गर्ने खानासहित सामान्य लक्षण भएका संक्रमितले रु ५० हजार, मध्य जटिल बिरामीले एक लाख र जटिल बिरामीले २ लाख रुपैयाँ अस्पतालको नगद खातामा धरौटी  जम्मा गर्नुपर्ने जनाएको छ ।

अस्पतालको सूचना अनुसार सामान्य लक्षण भएकाहरुको दैनिक ३ हजार ५ सय, मध्यम लक्षण भएका बिरामीले दैनिक ७ हजार ५ सय र जटिल बिरामीका लागि दैनिक १५ हजार रुपैयाँ तोकिएको छ । यसका अलावा औषधि तथा रोग निदानमा प्रयोग हुने जाँचहरु तथा एक्सरे चाहिएमा थप शुल्क लाग्ने अस्पतालले सूचनामा उल्लेख गरेको छ ।

सरकारले विपन्न नागरिक, अशक्तता भएका, असहाय, एकल महिला, अपांग, ७० बर्ष पुगेका जेष्ठ नागरिक, अग्रपंक्तिमा खटिने स्वास्थ्यकर्मीहरु, सरसफाई कर्मचारीहरु, सुरक्षाकर्मीहरु लगायत जोखिम क्षेत्रमा कार्यरत कर्मचारीहरुको निशुल्क कोरोना परीक्षण तथा उपचारको व्यवस्था मिलाइएको जानकारी दिएका थिए ।

यस्तो छ अस्पतालद्वारा जारी सूचना

Check Also

इष्टर्न हाइड्रोपावरको आइपीओमा आवेदन दिने आज अन्तिम मौका 

इष्टर्न हाइड्रोपावर लिमिटेडको आइपीओमा आवेदन दिने आज अन्तिम दिन रहेको छ । कम्पनीले पहिलो चरणमा ...

83 responses to “कोरोना सामान्य लक्षण भएकाले ५० हजार, जटिल भए २ लाख धरौटी राख्नुपर्ने”