ताजा समाचार
Home / Headline / गुगलले नेपालमा सुरु गर्‍यो आरसीएस म्यासेजिङ एप, यसरी गर्नुहोस् प्रयोग

गुगलले नेपालमा सुरु गर्‍यो आरसीएस म्यासेजिङ एप, यसरी गर्नुहोस् प्रयोग

गुगलले नेपालमा आरसीएस अर्थात् रिच कम्युनिकेसन सर्भिस म्यासेजिङ एप सार्वजनिक गरेको छ । आरसीएस म्यासेजिङ एसएमएस, एमएमएस पठाउन सक्ने क्षमताको च्याट एप्लिकेसन हाेअत्याधुनिक म्यासेजिङ विकल्पसहित एसएमएस प्रयोगकर्ताहरुको अनुभवमा नयाँपन दिने कम्पनीले जनाएकाे छ । याे किसिमकाे म्यासेजिङ सिस्टमलाई मोबाइल सञ्चारको भविष्यको रुपमा हेरिएकाे छ ।

हाल उपलब्ध एप्लिकेसन नेपालका लागि प्ले स्टोरमा राखिएको गुगलको बेटा भर्सन एप हो । सबैभन्दा पहिले प्रयोगकर्ताहरुले एपलाई डाउनलोड गरी केही सेटिङलाई आफैं चेक गर्नुपर्दछ ।

आरसीएस के हो  ?

रिच कम्युनिकेस स्यूट एउटा एड्भान्स म्यासेजिङ प्रोटोकल हो । यसले तपाईंको फोनको डिफल्ट म्यासेजिङ एपमा इन्स्ट्यान्ट म्यासेजिङ फिचर इनेबल गर्दछ । तपाईंले वाईफाई वा डेटाको मद्दतबाट च्याट गर्नसक्नुहुन्छ, राम्रो क्वालिटीको भिडियो, तस्वीर र अन्य अट्याचमेन्ट शेयर गर्न मिल्छ ।

आरसीएस तपाईंको लिगेसी म्यासेजिङ एपको विकल्प भने होइन । तर यो अहिले भाईबर, ह्वाट्सएप, फेसबुक म्यासेन्जर जस्ता धेरै इन्स्ट्यान्ट म्यासेजिङ एपको लागि खतरा बनेको छ ।

गुगलले आफ्नो म्यासेज एपमा एसएमएस, एमएमएस र आरसीएस च्याट फिचरलाई इनेबल गरेको छ । यसका लागि उसले जिब क्लाउड (गुगलले होस्ट गरेको पूर्वाधार) को प्रयोग गरेको छ ।

गुगलको आरसीएस म्यासेजिङलाई फोनमा कसरी इनेबल गर्ने ?

स्टक तथा प्योर एन्ड्रोइड फोनमा प्रयोगकर्ताहरुले यो म्यासेज एप प्रयोग गर्छन् । यो एप डिफल्ट म्यासेजिङ एपको अपडेटको रुपमा आउँछ ।

यद्यपि यदि तपाईंले गुगल म्यासेज एप इन्स्टल गरिसक्नु भएको छ भने यसमा नयाँ अपडेट मात्र गर्दा पनि हुन्छ । तर तपाईंले आफ्नो फोनमा गुगल म्यासेज एपलाई डिफल्ट म्यासेजिङ एप्लिकेसन बनाउनु पर्दछ ।

कुनै कुनै स्मार्टफोनमा कम्पनीको आफ्नै म्यासेजिङ एप छ भने उसले गुगल प्ले स्टोरबाट म्यासेज इन्स्टल गर्नुपर्दछ । कुनै कुनै डिभाइसमा भने फोनमा च्याट फिचर इनेबल गर्न पप देखापर्दछ ।

एपलाई इन्स्टल र अपडेट गरिसकेपछि तपाईंले सबैभन्दा पहिले म्यासेजलाई डिफल्ट म्यासेजिङ एप्लिकेसन बनाउनु पर्दछ । यसपछि सेटिङमा जानुहोस् । अनि जनरल हुँदै च्याट फिचरमा गएर च्याट फिचर इनेबल गर्नुपर्दछ ।

त्यसमा तपाईंले आफ्नो फोन नम्बरलाई प्रमाणित गर्नुपर्दछ । फोन नम्बर इन्टर गरिसकेपछि नम्बर प्रमाणित हुन केही समय लाग्छ । प्रमाणीकरण पुरा भइसकेपछि तपाईं जब इन्टरनेटमा कनेक्ट हुनुहुन्छ, तब तपाईंको स्टाटस कनेक्टेड देखिन्छ ।

तर फोनको डिफल्ट म्यासेज एपको सेवालाई सजिलै आफ्नो हातमा लिन सक्ने किसिमका यस्ता एड्भान्स एपले समस्याग्रस्त टेलिकम कम्पनीहरुको फाइदा र आम्दानीलाई अझ धेरै दबाबमा पार्ने देखिन्छ ।

आरसीएस फिचरले अहिलेका लागि सबै डिभाइसलाई  सपोर्ट गर्दैन । यसलाई तपाईंले पुन: चेक गर्नसक्नुहुन्छ । यसका लागि सेटिङमा गएर जनरलमा गएर च्याट फिचरमा जानुहोस् । तपाईको डिभाइसमा च्याट फिचर उपलब्ध छ कि छैन तपाईले थाहा पाउनुहुन्छ ।

तपाईंले म्यासेज एप डाउनलोड गर्न सकेपनि यो फिचर कुनै कुनै चिनियाँ ह्याण्डसेटमा उपलब्ध छैन । यदि आरसीएस तपाईंको डिभाइसमा इनेबल भयो भने आरसीएसले दिने फिचरहरु आफैं सिक्न सक्नुहुन्छ ।

गुगल आरसीएस म्यासेज एपका फिचरहरु 

गुगलको आरसीएस म्यासेज एपमा धेरै फिचरहरु छन् ।

१. इन्टरनेट र गुगलको आफ्नो सर्भरबाट म्यासेज पठाउँदा तपाईंलाई नियमित म्यासेजिङ शुल्क आवश्यक पर्दैन । यसले तपाईंको मोबाइल ब्यालेन्स बचत गर्दछ ।

२. फाइल, स्टिकर, लोकेसन, ठूला फोटो, भिडियो र अडियो जस्ता मल्टिमिडिया म्यासेजलाई सजिलै पठाउन सकिन्छ ।

३. स्मार्ट रिप्लाई। एआई अल्गोरिदमको सहयोगले तपाईंलाई रिप्लाईका लागि यो एपले नै सुझाव दिन्छ ।

४. अन्तरक्रियात्मक सञ्चार । यसमा तपाईले रिसिभरले म्यासेज सिन गरेको, टाइपिङ गरिरहेको इन्डिकेटर देख्न सक्नुहुन्छ ।

५. ग्रुप च्याट । यसमा तपाईले ग्रुप च्याट पनि सुरु गरेर मल्टिमिडिया तथा टेक्स्टहरु आदानप्रदान गर्नसक्नुहुन्छ ।

६. वाईफाई र डेटा दुवैबाट म्यासेज आदानप्रदान गर्नसक्नुहुन्छ । तपाईंले वाइफाईबाट मात्र पनि म्यासेज वा मल्टिमिडिया सेन्ड गर्ने अप्सनमा स्विच गर्नसक्नुहुन्छ । मोबाइल डेटाले तपाईंको फोनको ब्यालेन्सबाट डेटा लिने हुँदा कतिपयले मोबाइल डेटाको प्रयोग रोक्न सक्छन् ।

७. कम्प्युटरबाट पनि म्यासेज आदानप्रदान गर्न सकिन्छ । तपाईंले परम्परागत एसएमएस र एमएमएस जस्तै गरी कम्प्युटरको वेब ब्राउजरमा म्यासेज एप खोलेर म्यासेज सेन्ड गर्न सक्नुहुन्छ । यसमा भने क्यूआर कोडको फिचर छ । जसले तपाईंको मोबाइल र कम्प्युटरलाई जोड्दछ ।

नेपालमा आरसीएस

नेपालमा आरसीएस म्यासेजको आगमन एन्ड्रोइड प्रयोगकर्ताहरुका लागि निकै खुशीको कुरा हो । यो परम्परागत एसएमएस वा इन्स्ट्यान्ट म्यासेजिङ एपको लागि राम्रो विकल्प बन्न सक्छ ।

यो एप्पलको आइम्यासेज र साओमीको एमआइ म्यासेज जस्ता क्लाउड म्यासेजिङ सर्भिसले सरह काम गर्दछ ।

आरसीएस फिचर उपलब्ध विश्वका हरेक कुनामा रहेका एन्ड्रोइड प्रयोगकर्तासँग तपाईले यसको माध्यमबाट कुराकानी गर्नसक्नुहुन्छ ।

यो म्यासेजिङ एप नेपालका दुवै ठूला मोबाइल अपरेटरको नम्बरमा चल्छ । तर गुगलको आरसीएस म्यासेजिङ प्रणाली मोबाइल अपरेटरसँग निर्भर हुँदैन । तर विश्वका कुनै कुनै टेलिकम कम्पनीले एड्भान्स म्यासेजिङ प्रोटोकललाई सपोर्ट गर्दछ ।

Check Also

युनाइटेडविरुद्ध सलाहले एकै सिजनमा गरे ५ गोल

 लिभरपुलका मोहमद सलाहले प्रिमियर लिगमा म्यानचेष्टर युनाइटेड विरुद्ध दुई गोल गर्दै नयाँ कीर्तिमान बनाएका छन् ...

37 responses to “गुगलले नेपालमा सुरु गर्‍यो आरसीएस म्यासेजिङ एप, यसरी गर्नुहोस् प्रयोग”