ताजा समाचार
Home / Headline / स्वास्थ्यकर्मी अझै अन्योलमा, नवौँ दिनसम्म ३७ प्रतिशतले मात्रै खोप लगाए

स्वास्थ्यकर्मी अझै अन्योलमा, नवौँ दिनसम्म ३७ प्रतिशतले मात्रै खोप लगाए

अब काउन्सिलमा दर्ता भएको प्रमाणपत्रको आधारमा स्वास्थ्यकर्मीलाई खोप

पालमा अझै पनि कोरोनाविरुद्धको खोप लगाउँन हिच्किचाइरहेको पाइएको छ । जसको कारण कोरोनाविरुद्धको खोप लगाउने अभियान सरकारको लक्ष्यअनुसार अगाडि बढ्न नसकेको स्वास्थ्य तथा जनसंख्या मन्त्रालयकै तथ्याङ्कले पुष्टि गरेको छ ।

कोरोनाविरुद्धको पहिलो चरणको खोप १० दिनको अवधिमा ४ लाख ३० जनालाई लगाइने सरकारको दाबी थियो । तर, अभियानको नवौँ दिनसम्म आइपुग्दा १ लाख ५८ हजार ४ सय ८७ जनाले मात्रै खोप लगाएका छन् ।

सरकारले ७७ जिल्लाका २ सय १ खोप केन्द्रहरूबाट भारत सरकारको अनुुदान सहयोगमा आएको कोभिशिल्ड खोप पहिलो चरणमा ३ प्रतिशत फ्रन्टलाइनरलाई दिने योजना बनाएको थियो । स्वास्थ्य मन्त्रालयको लक्ष्य अनुसार खोप अभियान अगाडि नबढेको जनस्वास्थ्यविद्हरूले बताएका छन् ।

४ लाख ३० हजार खोप १० दिनको समय अवधिमा लगाइसक्न दिनमा ४३ हजार जनाले लगाउनुपर्ने हुन्छ । तर, नवौं दिनसम्म आइपुग्दा दिनमा सरदर १७ हजार ८ सय ८८ मात्रै कोरोनाविरुद्धको खोप लगाएका छन् ।

नवौँदिनसम्म जम्मा ३७ प्रतिशतले मात्रैले खोप लगाएका छन् । सरकारले पहिलो चरणमा फोहरमैला व्यवस्थापनमा खटिने व्यक्ति तथा चालक, एम्बुलेन्स तथा शववाहन चालक र सहचालक, प्रत्यक्ष उपचारमा संलग्न फ्रन्टलाइनर वा खोप व्यवस्थापनमा खटिने स्वास्थ्यकर्मी, खोप केन्द्रमा खटिने सुरक्षाकर्मी तथा स्वयंसेवक, शव व्यवस्थापनमा खटिने व्यक्ति, स्वास्थ्य स्वयंसेविका, अन्तर्राष्ट्रिय प्रवेश सीमा नाकामा कार्यरत स्वास्थ्यकर्मी र अन्य कर्मचारी, वृद्धाश्रमका व्यक्ति तथा हेरचाहमा खटिने कर्मचारी एवम् कारागारका कैदी र सुरक्षाकर्मीलाई खोप दिइने स्वास्थ्य मन्त्रालयले निर्णय गरेको थियो ।

Check Also

क्यान्सर विजेताहरुको तेस्रो ‘र्‍याम्प वाक’ पोखरामा हुँदै

क्यान्सर विजेताहरुको तेस्रो र्‍याम्प वाक पोखरामा हुने भएको छ । नेपाल क्यान्सर सपोर्ट ग्रुप र ...

Comments are closed.