ताजा समाचार
Home / Headline / अमेरिकामा कोरोनाका कारण अस्पताल भर्ना हुनेको संख्या दुई महिना यताकै धेरै

अमेरिकामा कोरोनाका कारण अस्पताल भर्ना हुनेको संख्या दुई महिना यताकै धेरै

अमेरिकामा दुई महिना पछि धेरै संख्यामा कोरोनाका विरामी अस्पताल भर्ना भएका छन्।रोयटर्समा प्रकाशित समाचारका अनुसार बुधबार अगस्ट यता पहिलोपटक एकैदिन ४० हजारको संख्यामा कोरोनाका विरामी अस्पताल भर्ना भएका हुन्।

बितेका चार सातामा अस्पतालहरूमा कोरोना संक्रमित विरामीहरूको भर्नादरमा ३६ प्रतिशतको वृद्धि देखिएको छ र मध्यपश्चिमका राज्यहरूको संक्रमित संख्याले प्रतिदिन नयाँ रेकर्ड कायम गरिरहेका छन्।

आयोवा, कन्सास, मिसौरी, नेब्रास्का, उत्तर डकोटा, दक्षिण डकोटा र विस्कॉन्सिन लगायतका राज्यमा वृद्धिदर उच्च पाइएको रोयटर्सको समाचारमा उल्लेख छ।

शुक्रबार अमेरिकामा ६९ हजार ४ सय ७८ जना नयाँ संक्रमित फेला परेका थिए। यो संख्या जुलाई यताकै पाँचौ ठूलो संख्या हो।

विरामी बढेसँगै केही अमेरिकी राज्यले बढिरहेको संक्रमणको सम्बोधनका लागि उपलब्ध स्वास्थ्य श्रोत प्रयाप्त नहुने चिन्ता व्यक्त गरेका छन्।

Check Also

युनाइटेडविरुद्ध सलाहले एकै सिजनमा गरे ५ गोल

 लिभरपुलका मोहमद सलाहले प्रिमियर लिगमा म्यानचेष्टर युनाइटेड विरुद्ध दुई गोल गर्दै नयाँ कीर्तिमान बनाएका छन् ...

Comments are closed.