ताजा समाचार
Home / Headline / हैदराबादविरुद्ध दिल्ली पहिला बलिङ गर्दै, सन्दीप लगातार तेस्रो खेलमा टोलीमा परेनन्

हैदराबादविरुद्ध दिल्ली पहिला बलिङ गर्दै, सन्दीप लगातार तेस्रो खेलमा टोलीमा परेनन्

इन्डियन प्रिमियर लिग-आईपीएल क्रिकेटको केहीबेरमा सुरु हुने खेलमा दिल्ली क्यापिटल्सले सनराइजर्स हैदराबादविरुद्ध पहिला बलिङ गर्ने भएको छ। दिल्लीले टस जितेर पहिला बलिङ गर्ने निर्णय गरेको छ। सन्दीप लामिछाने यो खेलमा पनि दिल्लीको प्लेइङ सेटमा छैनन्। उनले यो सिजन खेल्न पाएका छैनन्।

प्रतियोगिताको यो सिजन दिल्लीले  खेलेका दुवै खेल जितेको छ। पहिलो खेलमा किङ्स इलेभेन पन्जाबलाई सुपर ओभरमा हराएको दिल्लीले दोस्रो खेलमा महेन्द्रसिंह धोनीको कप्तानीमा रहेको चेन्नई सुपर किङ्सलाई पराजित गर्‍यो। हैदरावादले यो सिजन दुई खेल खेलेपनि जित हात पार्न सकेको छैन। पहिलो खेलमा कोलकाता नाइट राइडर्ससँग सात विकेटले पराजित भएको हैदरावाद दोस्रो खेलमा रोयल च्यालेन्जर्स बैंगलोरसँग १० रनले निराश भएको थियो।

आईपिएलमा दिल्ली र हैदराबादबीच हालसम्म १५ पटक प्रतिस्पर्धा भएको छ जसमा हैदराबादले ९ जित र ६ हार ब्यहोरेको छ। गत सिजन हैदरावादसँग दिल्लीले एलिमिनेटरसहित तीन खेल खेलेको थियो जसमा दुई जित र एक हारको नतिजा निकालेको थियो।

Check Also

अदालतको आदेशपछि गभर्नरले पदबहाली गर्दै भने, ‘अदालतले पछि पनि न्याय दिनेमा विश्वस्त छु’

सर्वोच्च अदालतको आदेशपछि नेपाल राष्ट्र बैंकका गभर्नर महाप्रसाद अधिकारीले पदबहाली गरेका छन् । अदालतले हिजो ...

Comments are closed.